La Partida populara Svizra dal Grischun ha preschentà sia proposta per las glistas da candidats e candidatas per la elecziuns federalas da quest atun.
La finamira saja da confirmar sia posiziun sco partida la pli ferma. La PPS Grischun metta si duas glistas. Sisum la glista 1 è sco spetgà la Cussegliera naziunala en uffizi Magdalena Martullo-Blocher. La segunda glista è ina glista exclusivamain da purs e puras cun quai che l’agricultura saja sut squitsch, scriva la PPS grischun. Sin plaz in da questa glista è il president da l’uniun purila grischuna Thomas Roffler.